1 month ago
Monday, October 31, 2011
السلام عليكم ان شاء الله بخير ومبسوطين
وكل عيد وانتم بخير انا كنت هنزل الموضوع ده من فتره بس معلش ظروف ...
بصوا بئا ياحبيبات قلبي انا لقيت كتير بنات وفيه مواضيع كتيرة اوووووووووي بتسأل عن مشكلة الاسمرار
وطبعا ياكثرة الخلطات والعكات
وياتظبط معاكي يااما لا ومتجبش نتيجة الا بعد 100 شهر ده اذا جابت كمان 
المهم في حاجات لازم نتكلم عنها الاول
لازم ولابد وضروري ان البنوته تهتم بنفسها قبل فوات الاوان يعني متجيش قبل فرحك بشهر وتقعدي تضيعي وقتك كله في التدوير ع الخلطات
وحاجات كيماوية ولخبطة وتنسي اهم حاجة انك تحضري لفرحك تحضير ممتاز وتبقى مكركبة نفسك
يبئا متفقين اننا نهتم بنفسنا شوية ...
تاني حاجة لازم يكون ليكي يوم في الاسبوع ليكي انتي خصصي كده يوم تنتعشي وتعيشي الحالة في حمامك وادلعي
يعني كل يوم يكون الشاور بتاعك عادي ومثلا يوم الخميس ده يبئا ميعاد حمامنا الملوكي البسيط
انا هحاول ابسطها عليكم ومش هنكتر في الحاجة اللي هنستخدمها .....
اسفة اني طولت في المقدمة بسم الله نبدأ
"
اولا العناية بالوجه face care
جهاز حمام البخار من براون
صورة جماعية بالادوات ....
من اليمين للشمال ديب كلين من نيتروجينا ده 2×1 ماسك + غسول
غسول علاجي يومي من كلين اند كلير
مقشر يومي وبيتحكم في اللمعان كلين اند كلير
معالج سريع لمنع ظهور البثور ده عبارة عن جل ومرطب للبشرة
طبعا كل المنتجات دي مخصوصة للبشرة الدهنية
ومش كله بنستخدمه مرة واحد لا طبعا كل حاجة وليها استخدامها وهاوضح دلوقتي ...
طريقة العناية بالبشرة ....
بنشغل الجهاز وبنحط شوية مية فيه + شوية ملح وبتحطي وشك وبيطلع البخار ع وشك يعني حوالي 12 دقيقة او اكتر وطبعا اللي عندها مشكلة في التنفس او اي حاجة من دي تاخد بالها او تبتعد عنها تماما او تستشير دكتور اللهم بلغت اللهم فأشهد ~
بعدها بتجيبي قطنة وتمسحي وشك وتضغطي ع مناخيرك اوي لحد لما تحسي انها طلعت معاكي الروس السودا بعدها نعمل الصنفرة طبعا ممكن تستخدمي كلين اند كلير المقشر اليومي وممكن تعملي الصنفرة اللي هقولكم عليها دلوقتي
نجيب شوية سكر + زيت زيتون كده
او معلقة بن + معلقة لبن طازة المراعي او غيره بالشكل ده
واخلطيهم لحد لما يكون قوامه كده
طبعا انا بقترح جدااااااااا وبنصح صنفرة القهوة طبعا كتير منكم مسمعش عنها بس عايزه اقولكم اللي هايجربها مرة مش هايستغني عنها ابداااااااااااااااااااااااا
تدعكي وشك بالراحة اووووووووووووووي لان هاتحسي بخشونة القهوة طول مانتي بتدعكي حوالي 2 دقيقة طبعا كتير بس الجمال يحتاج تتعبي علشانه
وبعدها سيبيها ع وشك كـاماسك حوالي 3 دقايق او 4 دقايق واشطفي وشك وشوفي الجمال والنعومة
العنآية بالقدمين foot care
ونصيحة مني ابعدوا تماما عن اداة المووووووووووووس اللي في معظم الكوافيرات ده بيطلع جلد ميت اكترررررررررررررر استخدمي المبرد او الحجر الخفاف الاسود
الادوات شوية مية سخنة في طبق + شوية شاور جل او زيت النعناع من العطار
+
مبرد للرجل + egg foot متوفرة في معظم المحلات
بتنقعي رجلك حوالي 15 دقيقة وبعدها بالمبرد تعملي بيه كعبك وبال egg تقشري الجلد الميت اللي في رجلك
وبعدها نشفي وادهني كريم مرطب او فازلين والبسي شراب قطن ومع الاستمرار هتلاقي رجلك اخر نعومة طبعا
العناية بالجسم body care
صورة جماعية ^_^
شاور جل نيفيا طبعا ممكن تستبدليه بأي شاور انتي حباه
وشاور جل من كامينا هو 2×1 شاور وسكروب حلو اوي وبينعم جدا الجسم
والبيبي اويل + لوشن جونسون
تقفى تحت الدش تحت مية فاترة ولا سخنة ولا باردة اوي وده كمان مفيد لشد الصدر علفكرة يابنات خطر جدااااااااااا انك تحطي مية سخنة ع صدر
لازم ع الاقل ترشي مية بارده علشان ميحصلش ترهل فيهم وبعد كده بشاور كامينا تدعكي جسمك من غير ليفة لان هو فيه حبيبات صغيرة اوي
وتشتطفي جسمك وبعدها بالليفة تاخدي الشاور جل بتاع نيفيا وتشتطفي جسمك ممكن بئا تستبدلي ده كله بالليفة المغربي والصابون المغربي الاصليي انتي وراحتك
وبعد ماتخلصي وجسمك مبلول تاخدي البيبي اويل وتدهني جسمك كله وتنشفي بالطبطبة مش بالحك والعنف
وحطي اللوشن وهاتخرجي ان شاء الله نااااعمة وكلك حنية ^_^ المهم الاستمرررررررررار يافتوكات
دعواتكم + تقييمكم لاني تعبت في التصوير واني انزل الموضوع بجد ... اي استفسار او اي سؤال انا تحت امركم اي وقت
ملحوووووووووووظة : اللي عندها حبوب في وشها تعالج الحبوب الاول وبعدين تعمل صنفرة كل اسبوع وتنضيف لانك بكده ممكن تنقلي الحبوب من مكان مصاب لمكان سليم انتبهوا ارجوكم ....
المصدر
0 Comments:
Subscribe to:
Post Comments (Atom)
مدوناتي
-
طريقة عمل كيك الكرز المقلوبه - *طريقة عمل كيك الكرز المقلوبه * *المكونات* *للكراميل * *5 ملاعق كبيرة (1/3 كوب) (70 جرام) زبدة غير مملحة* *2/3 كوب (140 جرام) سكر بني فاتح* * 2/1 كوب (2...
-
6نصائح للحصول علي شعر صحي طويل - س صعباً الحصول على شعر طويل وصحي. فلا بد من ضمان نمو صحي للشعر واتباع بعض الخطوات الرئيسية، مثل غسل الشعر بالماء البارد، وتناول الغذاء الغني بالبروتين، وتد...
10 years ago -
