Wednesday, June 15, 2011

خلطاتي المجربه للجسم













راح احطلكم الخلطات الي استخدمها ل :

* الركب والاكواع
* الوجه
* الشعر
* المنطقة الحساسة
* الشفايف
*الأظافر
*اليدين والرجلين
* للأبط
*بعد الحلاوة
*الصدر
* لرائحة الجسم
*للأستحمام


1) لليدين والرجلين ( تبيض + نعومة ) :


المواد :- كحول نقي + ليمون + جليسرود + فكس + جليسرين + ماء ورد + فازلين + زيت لوز حلو
ظهور النتائج : من ثالث اسبوع تحسين بالبياض والنعومة من اول استخدام
الاستعمال : كل يوم قبل النوم ،، او اذا ماتقدرين وانتي تشتغلين بالبيت

هذي صورة المواد خلطتهم كلهم الا اليمون




وهذي صورة العلبة الي احتفظ فيها بالخليط جنبي عالسرير وقبل لا استخدمها بس اعصر نتفة ليمون واخلطها مع المقدار الي احتاجه من الخلطة ،،




2) لركبتي والأكواع ( تبيض + نعومة )

المواد : الفازلين وزيت اللوز الحلو وفكس
ظهور النتائج : النعومة من ثالث استخدام تحسينه وبعد اول شهر تحسين اللون فرق ، انا صارلي 4 اشهر ضايل بقعة بنية صغيرة في الاكواع
الاستعمال : استعملها كل يوم

وهذي صورة المواد




3) للصدر ( شد وتبيض )

المواد : نشاء وحليب وماء ورد وخل تفاح برشاش
ظهور النتائج : بعد شهر بلشت احس بفرق
الاستعمال : كل ما قربت من المراي احط لان ريحتو حلوة وما يضر

ملاحظة : الحليب مايخرب لانه مخلوط بماء الورد ،، وهذي صورة المواد


واحتفظ فيهم برشاش هذا هو


وطبعا لا انسى كل ماقدرت اعمللهم مساج من تحت لفوق كني ارفعهم


4) للوجه ( انا وجهي دهني والمسامات واسعة ولكن هذه الاقنعة لكل انواع البشرة لان امي بشرتها مخلوطة واختي عادية يستخدمونها معي )

بالاسبوع احط لوجهي 3 خلطات ،، كل خلطة يوم بالاسبوع ،،يعني يوم احط ويوم اريح وجهي واحط اليوم الي بعديه وهكذا ،،

الخلطة الأولى : ماسك المرة مع العسل والنشا

المواد :- ملعقة اكل عصير ليمون ، ملعقتين اكل ماء ورد ، نصف ملعقة اكل نشاء ، ربع ملعقة صغيرة مرة مطحونة ، ربع ملعقة صغيرة عسل نحل.
ظهور النتائج : من ثالث مرة تحسين في فرق
الاستعمال : كنت استعمله كل يوم لين حسيت انو وجهي صفي وارتاح والمسمات صغيرة مو مثل اول وبعدها صرت مرة بالاسبوع وتجيبين قطنة وتمسحي فيها الوجه من الخلطة

هذي صورة المواد


وهذا هو بالعلبة


الخلطة الثانية للوجه : الحلبة والترمس بماء الورد ( تعطي انتفاخ للوجه وتقفل المسام )

المواد : فنجان حلبة + فنجان ترمس مطحون ( من عند العطار) + ماء ورد
ظهور النتائج : انا حسيت وجهي فرق بنظارتو من اول اسبوع
الاستعمال : مرتين بالاسبوع ، تحطينه على وجهك لين ينشف وبعد ماتشيليه تمسحين وجهك بالتونيك الي تستخدميه .

هذي صورة المواد


ماء الورد تحطينه لين تحسي الخليط سائل


الخلطة الثالثة :
استخدم زبد البحر لتبيض وازالة الخطوط البيضاء وشد الصدر،، تحصلينو من العطار ،،وهو مثل الحجر الاببيض سهل التفتيت اخلطه مع ماء ورد واحطه مو بس على وجهي وعلى جسمي كامل هذا قبل الحمام بالزبط .

طبعا لاني الحين الحمدلله وجهي صافي استخدم هالاقنعة مرة بالاسبوع ،،لكن كل يوم احرص اني اعتني فيه وهذي صورة المواد الي استخدمها


من اليمين لليسار :
ماء ورد ارش فيه وجهي كل ماقربت من المراي ( يعطي انتعاش ) ، كريم ازالة المكياج من جونسون استخدمه لازالة المكياج واثاره ، تونيك يمنع اللمعان من نيفيا ( لان بشرتي دهنية ) ، صابون ديرمو فيفا ( يحتوي على الكركم والبقدونس واعشاب اخرى ) اغسل فيها وجهي باليوم 3 مرات
5) للمنطقة الحساسة ( تبيض )

طبعا انا استخدم الملح الخشن اقل شي مرة باليوم افرك فيه بحركات دائرية ناعمة المنطقة وقبل النوم استخدم هالخلطة ،، والحمدلله النتائج وحاليا الشهر الثالث مرضية جداً

المواد :- زيت لوز حلو + ليمون + موية ورد + جليسرين + وجليسرود
ظهور النتائج : بعد اول شهر تبدين تحسين بالفرق
الاستعمال : قبل النوم



الليمون ما اخلطو ،،احتفظ بالمواد الباقية مخلوطة ولما اجي انام احط نقطة ليمون مع الكمية الي احتاجها وهذي صورة الخلطة





6) للشفايف ( تعطيها لون وردي وتقضي على التشققات )
المواد : دم غزال ( سائل او بودرة مايفرق) + فازلين
ظهور النتائج : من ثاني اسبوع
الاستعمال : كل ماقدرت احط باليوم احط



وهذي الصورة بعد الخلط






7) الأضافر ( تزيد من قوتها ولمعانها )
المواد : . زيت الخروع + زيت لوز احطهم فى زجاجة مانيكير فاضية
ظهور النتائج : من ثاني اسبوع
الاستعمال : مرة باليوم





8) لرائحة الجسم
المواد : فازلين + مسك اسود + جلسرين
الاستعمال : كل ماحبيت اتعطر



احط الفازلين والجلسرين على النار لين يختلطو ويذوبو واطفي النار ثم احط مقدار 5 نقاط مسك اسود واحتفظ فيهم بعلبة واحط منها الصبح ورا الاذن وعند عروق يدي وتضل الريحة فترة طويلة





9) للأبط ( بياض )
المواد : ليمون ونشا
ظهور النتائج : من ثالث اسبوع تحسين فرق اللون
الاستعمال :كل يوم

اجيب الليمون وامسح فيه تحت الابط واتركه شوي ثم احط نشا واتركه لين ينشف ،، تشوفين النشا صار علون اسود لانه امتص الوسخ
10 ) للشعر ( شعري دهني بس الخلطة هذي لكل انواع الشعر )

انا مرة بالشهر احني شعري واحط على الحنة حلبة وترمس مطحون ومرة وفاسوخ وزيت الحية والزيوت المتوافرة عندي من خروع وزيتون لوز مر ... واحط الحنة على شعري طول الليل واغسله الصبح ،،امي تحط ساعتين وتغسل ،، انا ما احب ريحة الحنة ،،والحل اني وقت الحمام اخذ معي نتفة بودرة الجلي ( الي ناكله ) واخلطها مع الشامبو واغسل شعري ،،وارجع اغسله مرة بالشامبو ،، تروح ريحة الحنة وتضل ريحة الجلي الحلوة
هذي صورة مواد الحنة



باقي ايام الشهر قبل الحمام ب3ساعات على الاقل اخلط الزيت الي عندي واحطها على شعري،، الحمدلله شعري هسا انعم واكثف من قبل بكثير ،،
الشامبو الي استخدمه شامبو الاطفال



11 ) الحمام ،،

مرة بالشهر اعمل حمام مغربي وهذي اغراضو



وبعد الحمام اخلط زيت الاطفال مع البودرة المفضلة الي ،،الريحة جناااااااااااان

وباقي ايام الشهر ،،اعمل الي سنفرة عادية ( ملح + سكر + حنا + كركم +زيت زيتون ) وافرك في جسمي



12) بعد التنظيف بالحلاوة ،،

انا استخدم ماء البحر ( احصله من البحر ) اغليه واحط نبات السعد وهذي صورتو



اغليهم على النار لين تتبخر المي ويصير النبات مثل العجين اخذه واحطه على المكان الي زلت منه الشعر لمدة سبعة ايام ،،بتلاحظين تاخر النمو الشعر من اول مرة

تستخدم لشعر اليدين والرجلين فقط ،،ليست للمنطقة الحساسة او الابط



هذي صورة للمواد الي استخدمها تقريبا يوميا اولها بتتثقالي الموضوع ،، وتحسيها تعب وحوسة ولكن مع التعويد بتصيرشي اساسي ،،وماتاخذ وقت ،،والنتايج تستحق ،،،


--


المصدرhttp://groups.google.com.sa/group/weellah2?hl=ar

0 Comments:

Post a Comment