2 months ago
Saturday, December 17, 2011
*ماسك لأستعادة لون البشرة و ازالة آثار الشمس :
المكونات
3 معالق ردة
2 معلقة زبادي
3 معالق عسل
نص لمونة
الطريقة
نعجنهم كويس أوي وبعد كدا نحط الماسك ع كل الوش وكمان الرقبة ( عشان يتكون النتيجة ع الأتنين مش الوش لوحده )
ونسيب الماسك ع الوش نص ساعة بالتمام والكمال وبعدين نغسل الوش كويس بمياه دافيه وبعد كدا نغسل الوش بماء الورد ( مفيد جدااااا )
ملحوظة
ممكن تحطي الماسك دا ع اي مكان عايزة تفتحيه مش هيضرك بالعكس هتشوفي النتيجة
الماسك دا يتعمل مرة في الأسبوع
*ماسك لتفتيح البشرة :
المكونات
نشا (حسب الكمية) بمعنى انك تحطي نشا لحط ما الماسك يتماسك مع بعض
2 معلقة ماء الورد
نص لمونة
الطريقة
نقلبهم كويس اووووي وبردك نحطهم ع الوش والرقبة ونسيبهم من تلت لنص ساعة وبعدين نغسل الوش بمياه دافيه وبعد كدا نغسل الوش بماء الورد ( مفيد جدااااا )
الماسك دا يتعمل يوم بعد يوم ( يعني يوم آه ويوم لأ )
*ماسك تاني لتفتح لون البشرة :
المكونات
1 معلقة دقيق
نص لمونة
معلقة لبن
معلقة زيت الزيتون
الطريقةنعجن كله كويس اوي وبعدين نحط الماسك ع الوش والرقبة لمدة نص ساعة وبعد كدا نغسل الوش كويس اووووووي وبعد كدا نغسل الوش بماء الورد ( مفيد جدااااا )
الماسك دا يتعمل مرة في الأسبوع
*ماسك لتفتيح الركبة - الكوع - تحت الابط :
للبشرة الحساسة
ندهن ع المكان اللي احنا عايزين نفتحه زيت الزيتون ونجيب نص لمونة ونحط عليها شوية ملح صغيرة كدا من فوق وندعك بيها المكان
مرة مع مرة المكان هيفتح وينعم
للبشرة العادية
نجيب نص لمونة ونحط عليها شوية ملع صغيرة كدا من فوق وندعك بيها المكان اللي احنا عايزين نفتحه وبعد كدا ندهن زيت الزيتون ع المكان
مرة مع مرة المكان هيفتح وينعم
*ماسك لأزالة الحبوب :
المكونات
2 معلقة زبادي بلدي بايت بره التلاجة ( مخمور )
2 قرص اسبرين ( ريفو )
الطريقة
نعجنهم مع بعض كويس اوي ونسيبهم من بليل للصبح وبعد كدا نحطهم ع الوش كله ونسيبهم لحد ما يمتصهم الوش ( يعني نلاقي الزبادي بقى جاف ) وبعدين نغسل الوش كويس اوي وبعد كدا نغسله بماء الورد
الماسك دا يتعمل مرة كل يوم
*ماسك لأزالة حبوب الجسم :
( لتدبيل الحبوب )
المكونات
2 معلقة شاي أخضر
2 قرص اسبرين ( ريفو )
طرطوفة زيت زيتون
الطريقة
نقلب كويس اوي وبعد كدا نحط الخليط ع مكان الحبوب ونسيب الخليط لحد ما ينشف ع الجسم وبعد كدا نغسل المكان كويس اوي
الماسك دا يتعمل مرة كل يوم
بصو بقى في شوية ملاحيظ كدا مني ليكو ولا هتكلفكو ولا تتعبكو
عايزين طريقة عملية تقبض المسام وتغذي البشرة وكمان تفتحهالكو
بصي ياقلبي انتي وهي
هاتي خس واغليه كويس اوي
وحطي المياه المغلية دي في بخاخة ( زي بخاخة الهدوم كدا لما نيجي نكوي يعني ) وترشي بيها وشك مش تغرقي وشك
ههههه لا رشي بس ع الوش والرقبة كل يوم قبل النوم
دا يا ستي يقبض المسام ويغذي البشرة
وبعد كداهون هاتي قطنة وحطي عليها زيت الورد و مش تغرقيها بالزيت بردك
وبعد ما مياة الخس تنشف ع وشك ورقبتك ومشي القطنة براحة ع وشك ورقبتك
دا ياستي لتفتح البشرة بردك عشان المساس بتكون مفتوحة لسه
ـــــــــــــــ
وملحوظة مهمة جدااااااااااا
طبعا اغلبنا بيشتكي من سواد في المناظق الحساسة
انا بقى هيريحك خالص
هاتي ياستي زيت ورد وادهني الأماكن الحساسة ودلكيها براحة واعملي مساج كدا
مرتين في اليوم
ـــــــــــــــ
واللي بتعاني من البثور السوداء
حلك عندي ياحببتي ولا تزعلي نفسك
هاتي حلة مياه سخنة اوي وخلي البخار يطلع ع وشك بس اهم حاجة مش تنـزلي وشك ع الحلةلا خلي البخار يطلع ع وشك وانتي وشك مرفوع عشان المساس تتفتح
وبعد كدا هاتي فوطة سخنة وحطيها ع وشك
قبل ما تعملي حمام البخار دا تكوني محضرة خليط مهم جدا
هاتي نص معلقة زيت اللوز او ونص معلقة زيت جنين القمح وحطي عليهم كام نقطة زيت الخروع وبعد كدا قلبيهم كويس مع بعض
وبعد حمام البخار ياستي ادهني وشك بيهم ودلكي وشك ورقبتك براحة وبهدوء ودوري ايدك ع وشك كدا
او بدل موضوع الزيوت دا
هاتي شوية قرفة بعد حمام البخار ومشيها ع وشك وسيبها شوية
بس انا بفضل الزيوت طبعا لأنها افيدـــــــــــــــ
وأهم حاجة في دا كل انك تغسلي وشك بصابون كويس ( ملح الحليب مثلا او النابولسي بتاع زمان دا )
وبعد الغسيل بالصابون اشطفي وشك بمياة الورد اوووووفي حلوة اوي بجد
و
أوعي تنامي وانتي ع وشك ميكياج او اي مستحضر تجميل دا غلط غلط غلط لأني الخلايا بتتجدد كل يوم لازم تستخدمي مزيل ميك اب
المصدر
0 Comments:
Subscribe to:
Post Comments (Atom)
مدوناتي
-
طريقة عمل كيك الكرز المقلوبه - *طريقة عمل كيك الكرز المقلوبه * *المكونات* *للكراميل * *5 ملاعق كبيرة (1/3 كوب) (70 جرام) زبدة غير مملحة* *2/3 كوب (140 جرام) سكر بني فاتح* * 2/1 كوب (2...
-
6نصائح للحصول علي شعر صحي طويل - س صعباً الحصول على شعر طويل وصحي. فلا بد من ضمان نمو صحي للشعر واتباع بعض الخطوات الرئيسية، مثل غسل الشعر بالماء البارد، وتناول الغذاء الغني بالبروتين، وتد...
10 years ago -
