Thursday, August 18, 2011

 تركيبه لشد البطن والصدر والدراع والسمانه يعنى اى حته بس متكونيش حامل فى اى شهر او بترضعى وعلى فكره هى بتشد بس علشان موش فى واحده تبع تسالنى هى بتكبر الصدر ولا لا
لا هى شد موش تكبير

هتجيبى المكونات دى

500 جرام جنزبيل + 15 حبايه عفص مذنب + 100 جرام زيت ورد + 100 جرام شبه بيضاء مطحونه + 150 كركم جسم + 250 جرام شمع عسل من اى سوبر ماركت كبير


الطلبات دى كلها من عند عطار يكون كويس ومضمونهتغلى الجنزبيل فى لتر ميه لمدة نص ساعه على نار هاديه وتصفيه بعد ميبرد وتحطيه فى ازازه لوحده
هتطحنى العفص فى مطحنة الخلاط بعد متكسريه الاول علشان ميكسرش المطحنه وتنخليه لحد متاخدى البودره بتاعته وتغليه فى نص لتر ميه وتصفيه كويس من الميه وتحطيه فى ازازه لوحده
هتنقعى الشابه فى نصف لتر ميه لحد متدوب وتحطى عليها الكركم واحده واحده وانتى بتقلبى لحد متحطى الكركم كله ترفعيم على نار هاديه لمدة عشر دقايق بس خليكى جنبها علشان هتفور وكل متفور ابعديها عن النار لحد متهدى لحد ما العشر دقايق يخلصوا

هتدوبى شمع العسل فى حمام ماء لحد ميدوب ويشبه الزيت وتضيفى عليه زيت الورد وهو فى الحمام وتضيفى كل المكونات وهو فى الحمام علشان ميجدمش منك وتقلبى لحد ميختلط المزيج بمعلقه خشب

تحطيهم فى برطمان زجاج وتحتفظى بيهم
وتدهنى منهم على الحته الى فيها ترهلات زى البطن والصدر والارداف وكل الى عاوزه تشديه لو هتعملى على صدرك هتلبسى شداد صدر وتحته كيسه نايلون علشان المنطقه تسخن وتسحب المواد بسرعه وهكذا اى حته هتشديها
المده ما بين ثلاث ايام و خمس ايام هتظهر النتيجه ان شاء الله
وبتستمر الشد لمدة شهرين كأنك منيكان
وملهاش اى اضرار لو حبيتى تشدى تانى

اى خدمه
ها ساحره انا ولا موش ساحره هههههههههه
واوعى ثم اياكى ثم حذارى موش تقيمى هزعل وموش هجرب على نفسى تانى هههههههههه
وادعو ليا ولاولادى
كل سنه وانتم مشدودين يووووووووووووو اقصد طيبين
ملحوظه دى دكتوره قايلالى عليها علشان نطمن



http://forums.fatakat.com/thread1854147

0 Comments:

Post a Comment