Tuesday, August 9, 2011

تعالوا نعرف مشروبات التخسيس

مرسلة بواسطة shery beauty في 3:10 PM

السلام عليكم ورحمة الله وبركاتة

انا دورت كتير اوى عن مشروبات مفيده للجسم وفي نفس الوقت بتساعد على انقاص الوزن ولقيت هنا في المنتدى بيشكروا في مشروبات كتير وكمان لقيت دكاتره في التلفزيون بيشكروا في نفس المشروبات ديه
نبد المشروبات
1-جنزبيل
2-قرفه
3-روز ماري
4-شمر
5-كمون
6-نعناع
7-لبان دكر

اول حاجه المشروبات ديه احسن حاجه تتشرب على الريق او بعد الاكل بساعتين على الاقل
نجي بقى للجنزبيل نجيب معلقه كبيره جنزبيل ونغلي نصف كيلو لبن وبعد مايغلي نحط عليه معلقه الجنزبيل نخليها تغلي فيه 5 دقايق على الاقل وبعدين نشربه بس عندي سؤال عن الجنزبيل الي مش بودر انا معرفش بيتجاب منين عشان بيقولوا هو ده الاصلي وبنجيبه وننشفه ازاي عشان نحضره؟؟؟

تاني حاجه القرفه بتتغلي عادي في مايه لغايه ماتفور وبعدين نشربها

تالت حاجه الروز ماري سمعت انه مفيد بس بصراحه معرفش بيتعمل ازاي ؟؟

رابع حاجه الشمر ده بقى بيشد الجسم غير انه بيحرق الدهون انا سمعت اننا بنغلي كوبايه مايه ونحط عليها معلقه شمر بس مش عارفه بنصفيه وبناخد المايه بتاعته بس ولا بنسيبه اد ايه منقوع قبل مانشربه؟؟

خامس حاجه الكمون بنغليه برده في مايه عادي


سادس حاجه النعناع برده بالغلي العادي


سابع حاجه لبان الدكر سمعت انه بنغلي كوبايه مايه وبعدين نحط فيها معلقه لبان دكر ونسيبها لما تبرد نشربها وبنسيبه قد ايه منقوع قبل مانشربه؟؟

قولت انقولكم الافكار ديه عشان كل الي يدخل يفيد ويستفيد ولو حد عارف يرد على استفساراتي في طريقه الاستخدام عشان نحقق اكبر قدر من الاستفاده ياريت يبقى جزاه الله خير ان شاء الله



المصدر

 

0 Comments:

Post a Comment



Subscribe to: Post Comments (Atom)